WENYEVITI WAONYWA KUTOKUWA CHANZO CHA MIGOGORO

Katibu Tawala Mkoa wa Mbeya Mohamed Fakii ameonya wenyeviti wa serikali za mitaa kuepuka kuwa chanzo cha migogoro na badala yake kuimarisha ulinzi shirikishi na usalama wa raia na mali zao.

 

Mohamed amesema leo Novemba 28, 2024 wakati akiwa mgeni rasmi kwa niaba ya Mkuu wa Wilaya ya Mbeya, Beno Malisa kwenye tukio la kuapishwa wenyeviti 181 na wajumbe 908 katika mitaa, vitongoji na kata.

 

Amesema wenyeviti baada ya kuapishwe wakawe chachu kwa wananchi na sio kugeuka wababe wakati wa kuwatumikia makujumu yako kwenye maeneo yao ya kazi.

"Mbeya tuna ushindi wa asilimia 95 kwenye uchaguzi wa serikali za mitaa sasa baada ya kuapishwa rejeeni kutekeleza majukumu yenu kwa kumtanguliza Mwenyezi Mungu" amesema. 

 

 Kwa upande wake Mwenyekiti wake Mtaa wa Mwasyoge Limba Mwailubi amesema wanakwenda kutekeleza majukumu yao kwa vitendo na kujipanga katika uchaguzi Mkuu 2025.

 

"Tumeaminiwa na wananchi tumesikia maelekezo ya Katibu Tawala kwa kugusa makundi mbalimbali na kuibua changamoto katika ngazi ya jamii" amesema.

 

Mratibu wa Uchaguzi Jiji la Mbeya Gregory Emmanuel amesema Jiji limetulia na uchaguzi umekwenda vizuri kikubwa wanahimizwa ushirikiano katika kuwafikia wananchi.